社總消息
社總觀點
政府推出嘅「終身年金」有乜陷阱

認清政府推出嘅「終身年金」有乜陷阱,唔好講有冇官商勾結,益咗班基金公司,要班長者臨老投資未必回本,仲要容許投資咗終身年金嘅長者,唔駛計嗰一百萬投資金額,即年金係唔會被計算喺高額長者生活津貼資産限額內,符合領取長者生活津貼資格的話,每月可額外多拎$3485,甚至係申請領取長者綜援。假設活到85歲,高額長者生活津貼就一共攞到$836,400,再加埋年金$392,000,係超過$122萬。咪住,唔好以為有著數,請認清下列問題:
1) 長者如果唔夠長命攞返本金,死咗家人都唔會攞返嗰一百萬,即係無賺;
2) 唔少唔算太有錢嘅長者正式加入同貧困長者爭福利資源,呢個政府亦唔正視長者權利,轉移視線叫長者晚年自己救自己;
3) 政府寧願帶頭教長者點合法轉移資產,再去申請長者生活津貼或長者綜援,但就死都唔肯推『免審查全民退休保障』!
 

【香港年金】投保100萬年袋7萬 「自製長糧」五大要點一睇就明
https://www.hk01.com/article/206633

Facebook:@吳廣明
https://www.facebook.com/100004471773257/…/1032516373574079/

小弟今年六十三歲,過兩年就有資格買,不過,我因為係退休公務員,又無一百萬現金,所以都係得個睇字。而這個極具吸引年金計劃,經兩日的研究,就給三個字就可以了「搵笨實」,以下一篇相關文章,是我從我一位前輩長官轉過來,大家用時間看看,是否對自己或者家中老人家有所幫助。

「近日市面係咁講、係咁推廣嘅「終生年金」,好想比以下資訊想買嘅長者或家有長者想買,請一齊嚟計一計呢幾條數:
 

以比一百萬為例子,佢地話,每個月比$5800蚊你,一年有成$69,600,差不多有7厘息咁多,聽落係咪好似好著數呢?唔好意思,呢$69,600蚊其實唔係利息,你比個一百萬亦唔可以算叫做「本金」。

即係咁,如果你做一百萬定期存款,到期利息加本金一齊攞番先叫「本金」,而呢個所謂嘅終生年金,個一百萬其實你係唔會直接攞番嘅,再舉三個例子。
 

佢地話要65歲先可以買:

如果你由65歲,收到70歲不幸身亡,咁即係只攞咗$348,800蚊,咁原先個一百萬呢?唔好意思,你家人只能攞番餘下差額,咁即係個一百萬唔係本金,而你之前攞個三十幾萬都其實係你自己錢;

又如果,你一直安好無事,咁都要14.3年先攞番你原先比個一百萬,所謂歸本,而當時閣下都79.3歲喇,若然85歲往生,即係總供提取咗20年,共$1,392,000,而你家人亦唔會有任何所謂淨餘價值攞番,你攞嘅就係百三萬咁大把,計一計,以而家銀行定期最高個問做到2.15厘,20年覆息,就有$1,530,000,重多過呢啲所謂年金。
 

比你90歲,攞咗$1,740,000,扣番有一百萬係你自己出嘅,即係廿五年賺咗$740,000,除番開實年息等如2.9厘左右。咁不如買一百萬啲公用股股票、或者匯豐股票,反而有5厘年息,重要啲本係番度。

而實際上,投資機構一年如果用你嘅錢投資,點只賺7%一年?睇下外匯儲備年年購多過呢個數就知,分番六萬幾比你唔難,只係到你離世,個一百萬就比佢地袋袋平安喇.....諗諗下,係咪蝦老人家唔識計數呢?
 

如果,你深信自己有一百歲甚至一百二十歲,或者真係可以諗下嘅。」